Единицата за корупција при Одделот за сузбивање на организиран и сериозен криминал поднесе кривична пријава до Основното јавно обвинителство за гонење на организиран криминал и корупција против С.Е. (63) од Дебар.
Според официјалните информации, против него постои основано сомнение за извршување на кривични дела „примање поткуп“ согласно член 357 и „примање награда за противзаконито влијание“ согласно член 359 од Кривичниот законик.
Осомничениот, кој извршувал функција раководител на Одделението за урбанизам, комунални дејности, локален економски развој и заштита на животната средина во општина Маврово и Ростуше, наводно побарал поткуп во износ од 13.000 евра. За возврат, тој ветил одобрување на урбанистички проект за изградба на апартмани и други сместувачки капацитети.
