Фото: Принтскрин
Родителите на Данка Илиќ, Милош и Ивана Илиќ, претходно беа испрашани пред Вишото јавно обвинителство во Заечар во својство на сведоци, каде што раскажаа дека Ивана на 26 март минатата година пристигнала во своето родно место Бањско Поле со ќерката и синот. Сепак, поради мистеријата што сè уште трае, неутешните родители неколкупати беа на мета на теории на заговор.
Да потсетиме, во еден момент, како што изјави Ивана, накратко ја изгубила ќерката од вид. Се обидела да ја повика, но набрзо сфатила дека Данка исчезнала. Веднаш го повикала сопругот Милош, по што започнала потрагата.
И двајцата тогаш раскажале дека во критичниот момент ги сретнале Јанковиќ и Драгијевиќ, а Милош дури ги прашал дали ја виделе неговата ќерка. Тие одговориле дека не ја виделе, иако, според обвинението, во тој момент Данка без свест лежела во багажникот на службеното возило „Фиат Панда“!
Теорија на заговор 3: По исчезнувањето на Данка, на сметката на нејзините родители легнале 30.000 евра
На прашањето за теоријата на заговор дека на сметката на Милош и Ивана Илиќ по исчезнувањето на Данка „легнале 30.000 евра“, таткото Милош одговорил:
– Их, јас би сакал таа сума да ми легне на сметката, но тоа никогаш не се случило. Но, на нивната сметка е пронајдена голема сума пари, еве сопругата ми вели, кај овој од Злот, Драгијевиќ. Сега, дали тие собирале со текот на времето, не знам, не навлегувам во тоа, само знам дека таму е пронајдена голема сума пари.
Останатите теории може да ги прочитате ТУКА.
