Фото: Јован Костадинов/Фејсбук
На утрешната седница на Советот на Општина Виница, градоначалникот Миле Петков ќе предложи специјална награда за младиот Јован Костадинов, кој со својата пожртвуваност и хуманост спаси бројни животи за време на трагичниот пожар во дискотеката „Пулс“ во Кочани.
Според Предлог-одлуката, Јован ќе биде награден со почесна Плакета како признание за неговата несебична храброст и посветеност во критичните моменти. Дополнително, градоначалникот Петков ќе предложи и доделување на стипендија за високо образование, која ќе трае четири години и ќе му овозможи поддршка во неговото понатамошно образование.
„Овој млад човек покажа извонредна храброст и пожртвуваност, ризикувајќи го својот живот за да спаси други. Тоа е најмалку што можеме да направиме за него, како знак на благодарност и почит,“ изјави Петков, нагласувајќи дека ваквите дела не смеат да останат незабележани.
