Македонскиот автомобилист Игор Иџе Стефановски со емотивна објава на социјалните мрежи го изрази своето сочувство кон семејствата на жртвите од трагедијата што се случи во дискотеката „Пулс“ во Кочани.
Како симбол на солидарност и почит кон настраданите, Стефановски најави дека неговиот автомобил, со кој настапува на трките ширум Европа, ќе биде делумно обоен со црна боја.
„Во чест на жртвите од трагедијата во Кочани. Црна боја на моето возило со кое ќе настапувам на трките низ Европа како знак на почит кон оние што ги загубија животите во оваа страшна несреќа. Ова не е само боја – ова е порака на сочувство, солидарност и поддршка за нивните семејства и најблиски. Некои победи се на патеката, но вистинските победи се кога сме заедно во тешките моменти. Почивајте во мир“, објави Иџе.
