Во изминатите три дена, инспекторите за патен сообраќај спроведоа вкупно 138 контроли врз правни и физички лица кои вршат превоз на патници и стоки. При контролите, кај 21 превозник беа евидентирани неправилности, по што беа изречени соодветни санкции согласно законот.
Од Министерството за транспорт и врски, поточно од Државниот инспекторат за транспорт, денеска информираа дека акцијата е дел од нивниот тековен Акциски план за зајакнување на контролата и безбедноста во сообраќајот.
За забележаните прекршоци, покрај изречените казни, известени се и Министерството за внатрешни работи и Јавното обвинителство, со цел понатамошно преземање мерки и покренување постапки каде што е потребно.
„Инспекторатот ги соопшти 11-те правни лица за кои е констатирана неправилност и за кои се изречени казни: Дурмо турс од Гостивар; Дени интернационал од Илинден; Свис мак алигега од Гостивар; Зем промет – компани од Сарај; Словин Билјана од Охрид; Бис од Охрид; Пештер ДОО од Чаир, Димитриоски од Гази Баба; Хисари-ГД од Дебар; Инком бизнис од Куманово и Палас експорт-импорт од Гостивар“, пишува „Курир.мк“.
