Вчеравечер, во 22:00 часот, во Полициското одделение Прилеп била поднесена пријава од страна на 37-годишна жителка на Прилеп. Таа информирала дека на 22 март 2025 година, околу 19:40 часот, нејзината малолетна ќерка и уште четири нејзини другарки биле нападнати додека се наоѓале на плоштадот „Методија Андонов Ченто“ во Прилеп.
Според пријавата, четири лица им пристапиле на девојчињата, физички ги нападнале и ги допирале по телото, предизвикувајќи немир и вознемиреност кај нив.
Полицијата презема активности за целосно расветлување на случајот и идентификација на сторителите.
