Во текот на 22 и 23 март 2025 година, полициските службеници спроведоа засилени контроли на подрачјето на Скопје, Прилеп, Охрид и Куманово, при што од слобода беа лишени вкупно 17 лица.
Причина за нивното приведување е постоење основано сомнение дека сториле кривично дело согласно член 387 од Кривичниот законик, односно за непочитување на одлуката на Владата за прогласената седумдневна жалост.
Во Скопје, полицијата привела едно малолетно лице, како и управител на угостителски објект. Во Прилеп, биле приведени 12 лица, меѓу кои и едно малолетно лице.
Во Кичево е приведен сопственик на угостителски објект, а на подрачјето на Куманово се лишени од слобода две лица – менаџер и управител на локален угостителски објект.
