Бугарската телевизија БТВ, во специјално издание посветено на трагедијата во Кочани, објави дека тројца од лекарите кои први им пристигнале на помош на повредените од несреќата, се со македонско потекло.
Еден од медицинските тимови кои веднаш реагираа по пожарот во дискотеката „Пулс“ во Кочани е составен од лекари од Брзата помош во Софија, меѓу кои и д-р Кушевска, која потекнува од Македонија. За неа, оваа мисија имала и особено емотивна тежина, бидејќи трагично загубила блиски роднини и пријатели во пожарот. Додека ги преземала пациентите за итен транспорт, дознала дека меѓу нив има пријател на нејзиниот брат, а подоцна сфатила дека на летот кон Софија се наоѓа и нејзин прв братучед.
Во хуманитарната акција учествувал и д-р Даниел Кировски, лекар со потекло од Валандово, кој бил дел од медицинскиот тим што од Бугарија замина кон Македонија за да пружи помош на повредените од трагичниот настан.
Видеото може да се погледне ТУКА.
