Денеска околу 13:00 часот на патниот правец Штип–Кочани се случила сообраќајна несреќа во која било вклучено армиско возило од типот „Ленд Ровер Дефендер“, управувано од припадници на Армијата на Република Македонија.
Возилото, во кое се наоѓале тројца армиски лица, било ангажирано на извршување на редовна задача – смена на стража.
Според информациите од Армијата, несреќата се случила кога во задниот дел на армиското возило удрило цивилно патничко возило. Како резултат на ударот, трите армиски лица добиле полесни телесни повреди и веднаш биле пренесени во болницата во Кочани за дополнителни прегледи и медицинска опсервација.
Видео: Роберто Навали
