Министерот за здравство, Арбен Таравари, денеска најави дека возачот на Итната медицинска помош, кој трагично го загуби животот во несреќата што се случи во Кочани, ќе биде постхумно одликуван.
Со ова признание ќе биде оддадена почит за неговата пожртвуваност и долгогодишна посветеност.
„Тој ден сите работевме повеќе од 20 часа. Јас немам информација колку часа возачот работел, меѓутоа неспорно е дека направил огромна работа со превозот на пациенти. Како министер за здравство планирам следната недела да го викнам неговото семејство и постхумно да го одликувам“, изјави Таравари.
