Министерот за здравство, Арбен Таравари, информираше дека сите пациенти кои се хоспитализирани како во здравствените установи во Македонија, така и во странство, моментално се наоѓаат во стабилна здравствена состојба.
Тој посочи дека кај значителен број од нив се забележува постепено подобрување. Како што нагласи министерот, вчера биле регистрирани дваесет пациенти во потешка здравствена состојба, но денес бројката е преполовена – десет пациенти остануваат под внимателен надзор, и сите се надвор од животна опасност.
Покрај ова, тројца од пациентите веќе се пуштени на домашно лекување, а дополнителни тројца се очекува да бидат отпуштени утре. Сепак, пред да ја напуштат болницата, секој пациент ќе треба да помине низ детални токсиколошки анализи.
