Младиот фудбалер на Шкупи, Андреј Лазаров, трагично го загуби животот во несреќата што ја потресе Кочани и цела Македонија.
Иако денеска беше планирано продолжување на тренинзите и подготовките за вториот дел од сезоната, тренингот не се одржа. Играчите пристигнаа на теренот, но обземени од болката и неверувањето поради загубата на својот пријател и соиграч, побараа тренингот да биде откажан.
Клубот Шкупи сподели и фотографија од соблекувалната, каде може да се почувствува тежината на атмосферата и огромната жал поради заминувањето на Лазаров.
