Вишиот суд во Белград донесе одлука со која го задолжи малолетниот убиец од Рибникар, неговата мајка Миљана Кецмановиќ, таткото Владимир Кецмановиќ и основното училиште „Владислав Рибникар“ да им исплатат на тужителите, односно на членовите на семејствата на убиените во масакрот што се случи на 3 мај 2023 година, солидарна парична отштета за нематеријална штета, за претрпени душевни болки поради смртта на блиско лице.
На тужителите Миљана Мартиновиќ, Зоран Мартиновиќ, Иван Божовиќ, Нинела Радичевиќ, Бојан Асовиќ, Марија Асовиќ, Анѓелко Аќимовиќ, Наталија Аќимовиќ, Миланка Негиќ, Драган Кобилски, Нина Кобилски, Драгана Анѓелковиќ, Бранко Анѓелковиќ, им се досудува износ од по 12.000.000 динари. На тужителите Милош Чикиќ, Сузана Станковиќ Чикиќ и Слободан Негиќ им се досудува износ од по 13.000.000 динари – соопштија од Вишиот суд во Белград.
Со истата одлука, на тужителите Живорад Влаховиќ и Коса Влаховиќ им е доделен износ од по 11.000.000 динари.
Исто така, малолетниот убиец, Миљана Кецмановиќ, Владимир Кецмановиќ и основно училиште „Владислав Рибникар“ се обврзани да им исплатат на тужителите солидарна парична отштета за претрпен страв, во износи определени од страна на судот.
На тужителите Миљана Мартиновиќ, Зоран Мартиновиќ, Иван Божовиќ, Нинела Радичевиќ, Бојан Асовиќ, Марија Асовиќ, Анѓелко Аќимовиќ, Наталија Аќимовиќ, Миланка Негиќ, Драган Кобилски, Нина Кобилски, Драгана Анѓелковиќ, Бранко Анѓелковиќ, Милош Чикиќ, Сузана Станковиќ Чикиќ, Слободан Негиќ, Лена Мартиновиќ, Наталија Мартиновиќ, малолетната А.Б., малолетниот Б.А., Марија Аќимовиќ, малолетниот М.К., Мина Анѓелковиќ и малолетниот М.А., им се доделува износ од по 1.750.000 динари. На тужителот Живорад Влаховиќ му се доделува износ од 500.000 динари, а на тужителката Коса Влаховиќ износ од 600.000 динари, сè со законска затезна камата почнувајќи од 30.12.2024 година до исплата, во рок од 15 дена од приемот на пресудата, под закана за извршување. Во останатиот дел од барањето по оваа основа, тужбеното барање е одбиено како неосновано до висината на побараниот износ – се наведува во соопштението на судот.
Целата пресуда може да се прочита ТУКА.
