Меѓу жртвите на трагичниот пожар што ја зафати дискотеката „Пулс“ се најде и младиот Филип Ивановски.
Филип бил еден од првите кои успеале да се извлечат од огнената стихија без сериозни повреди. Сепак, покажал неверојатна храброст и човечност – откако забележал дека недостасува неговата пријателка, не двоумел и се вратил назад, право во димот и пламените, обидувајќи се да ѝ помогне. За жал, Филип не успеал повторно да излезе од дискотеката.
„Нашиот ангел Филип Ивановски замина во вечноста и се молиме да биде на поубаво место од оваа мочурише во кое живееме ние грешните.
Мојот најдобар другар, колега и херој Филип, а помеѓу другарите Фичо, успеал да излезе помеѓу првите скоро без никави повреди и решил да се врати назад во оганот и чадот да помогне на другарка која ја немало, но не се врати повеќе.
Последното испраќање со Филипче ќе биде утре ( четврток) 20.03.2025 во Соборен Храм Свети Никола -Штип ( градска црква ) од 09:00 до 11:00 часот“, вели неговиот татко Дејан.
