На денешното судско рочиште за случајот со убиството на Вања Ѓорчевска и Панче Жежовски, продолжи сведочењето на обвинетиот Велибор Манев. Тој и овој пат детално ја опиша својата улога, како и улогата на останатите инволвирани во злосторството, надоврзувајќи се на сведочењето дадено на претходното рочиште, кога прецизно објасни како биле грабнати Жежовски и малолетната Вања, а потоа и ликвидирани од страна на Љупчо Палевски.
Манев откри дека киднапирањето било внимателно планирано повеќе од една година. Како што посочи, Палевски со месеци ги подготвувал, редовно им покажувал фотографии од личноста која била цел на нивниот план, притоа изнесувајќи детали за самото извршување.
Според неговото сведочење, откако сфатиле дека го грабнале погрешното девојче, Палевски сепак одлучил да не се откажува. Наместо да ја ослободи, предложил да ја фотографираат и да побараат откуп од родителите, барајќи информации од самото девојче за тоа како да стапат во контакт со нејзиното семејство. Но, за кратко време, без да биде остварен тој план, Палевски ја лишил од живот.
,,Зошто? Зошто, што се случи за да дојде до ова?, тивко изусти таткото убиената Вања, Александар Ѓорчевски.
Манев одговори дека ова прашање треба да му се постави на Палевски.
