Меѓу 59-те жртви на трагичниот пожар што ја зафати дискотеката „Пулс“ во Кочани, се најде и младата Моника Спасова, мајка на едногодишно девојче. Трагедијата ја зави во црно не само нејзината фамилија, туку и целата македонска јавност која со неверување ги следеше настаните.
Веднаш по несреќата, нејзиното семејство започнало очајничка потрага, обидувајќи се да ја пронајде низ сите болници и здравствени установи. Во надеж дека ќе добијат информации, нејзината фотографија била споделена на социјалните мрежи, придружена со апел до сите граѓани кои можеби имаат какви било сознанија за неа.
За жал, тие надежи беа срушени кога пристигна веста дека Моника е една од животите што згаснаа во огнената стихија.
„Мајкино око оти ми побегана. Не можам да живеам без тебе. Мајкино око кој ќе гушнам место тебе? Мајкино око, душата ми е распарчена“, напиша неутешната мајка на Моника.
