Македонскиот бизнисмен Роберт Димитров Роби соопшти дека преку „Телекабел“ донирале еден милион денари за семејствата на настраданите во пожарот во Кочани.
„Не поднослива е болката и тагата за загубата која се случи во Кочани.
Изгубивме пријатели, колеги, изгубивме животи што требаше да бидат силата на нашиот регион и држава.
Немаме начин да ја намалеме болката и немаме збор за утеха на семејствата.
Телекабел денес донираше 1,000,000 денари на сметката на Солидарниот Фонд при Црвениот Крст на Македонија.
Да се обединиме и да помогнеме кој со што и како може.
Парите не се замена за ништо, но се потреба која во овој момент ќе се искористи за помош на семејствата.
На болните поскоро опоравување.
Сочуство за семејствата и за целиот македонски народ за оваа невидена загуба.
Бог да ги прости загинатите“, информира бизнисменот.
