Канаѓанецот од македонско потекло, Крис Павловски, кој е основач и извршен директор на платформата „Rumble“, како и член на Управниот одбор на Македонија2025, преку своите профили на социјалните мрежи сподели дека донирал еден милион денари како помош за настраданите во трагедијата што го потресе Кочани.
Со овој хуман гест, Павловски испрати силна порака на поддршка и солидарност со семејствата на жртвите и сите погодени од трагедијата во Кочани.
„Срцето ми чука за сите семејства и пријатели на починатите во Македонија. 59 луѓе загинаа и повеќе од 100 се повредени во пожар, повеќето деца на возраст од 14 до 20 години. Лично донирав милион денари во Црвениот крст на Македонија за поддршка на семејствата и настраданите“, напиша Павловски.
