Иле Гоцевски, возачот на Итната медицинска помош од Кочани, ја загуби битката со животот откако цела ноќ неуморно ги превезувал повредените од трагичниот пожар во дискотеката „Пулс“.
По долга и исцрпувачка смена, исполнета со напор и стрес додека помагал да се спасат животи, Гоцевски се вратил дома за да се одмори, но за жал, никогаш повеќе не се разбудил.
„Прерано не напушти нашиот Иле Гоцевски. Пријател кој секогаш несебично давал се од себе. Не знаеше да каже ‘не’“, вели еден од пријателите.
„Ништо не му беше невозможно – секогаш велеше: ‘Ќе биде завршено, пријателу. Брзајте – полека.’ Што и да напишам, е премалку… Небесно царство за нашиот ангел“, додава негова колешка.
