Сè уште се истражува точната причина која доведе до катастрофалниот пожар во дискотеката „Пулс“ во Кочани. Сепак, според видеа снимени непосредно пред избувнувањето на огнот, се гледа дека пиротехничките ефекти поставени на сцената веројатно биле почетниот фактор што го поттикнал пожарот.
Дополнителен проблем, според првичните информации, биле и материјалите користени при изградбата на објектот – наводно, лесно запаливи и несоодветни за ваков вид објекти, што придонело пламените јазици да се шират со огромна брзина и да го зафатат целиот простор за многу кратко време.
Она што дополнително предизвикува револт е фактот дека на социјалните мрежи излегоа фотографии објавени од сопругата на Андреј од бендот ДНК, на кои може да се забележи дека во истиот клуб и претходно биле користени слични запаливи ефекти, без да бидат преземени соодветни мерки на претпазливост.
