Министерот за здравство, Арбен Таравари, информираше дека сите пациенти повредени во пожарот во дискотеката „Пулс“ во Кочани се згрижени во здравствените установи низ државата и се во стабилна состојба.
Вкупно 117 лица се хоспитализирани, додека 13 се испратени на лекување во странство, со план за дополнителен транспорт на други повредени.
„На хируршките клиники во Скопје моментално се лекуваат 25 пациенти, во Градската хирургија 24, во болницата ‘8 Септември’ исто така 24, во Штип 31, а во Кочани 13. Вкупно, имаме 117 пациенти од пожарот“, додаде тој.
