Сара Пројковска, професорка на Факултетот за музичка уметност и долгогодишен придружен вокал на групата „ДНК“, е една од жртвите во трагичниот пожар во Кочани.
Нејзината смрт беше потврдена од страна на ФМУ, кои преку соопштение изразија длабоко жалење за загубата на нивната колешка. Пројковска беше реномирана музичка педагожка и активен учесник на македонската музичка сцена.
„Со длабока жалост и неверица ве известуваме дека нашата колешка, вонр.проф.м-р Сара Пројковска, го загуби животот во невидената трагедија во Кочани. Нашата Сара, полна со љубов, живот и музика, лавица и добрица…“, се вели во соопштението.
