Министерот за внатрешни работи, Панче Тошковски, излезе со најнови информации за трагичниот пожар што рано утрово ја зафати дискотеката „Пулс“ во Кочани.
Според официјалните податоци, животите ги загубиле 59 лица, а дополнителни 155 се здобиле со повреди од различен степен.
„Досега се извршени разговори со 10 хоспитализирани лица, со еден член од групата ДНК. Распишана е централна потерница по четири лица. Се испитува и документацијата за дозволите на дискотеката од Министерството за економија“, изјави Тошковски и додаде дека меѓу починатите бил и еден полицаец кој вршел контрола за евентуално откривање на дрога.
