Во Белград денес се одржуваат масовни студентски протести под мотото „15. за 15“, кои привлекоа огромен број учесници. Овој протест започна пред неколку месеци како одговор на трагичниот настан што се случи во Нови Сад во ноември минатата година, кога 15 лица го загубија животот поради уривање на надстрешницата на Железничката станица.
Центарот на Белград е преполн со демонстранти, а студентите, кои синоќа пристигнаа од различни делови на земјата – некои на велосипеди, други пеш или со организиран превоз – беа топло пречекани од граѓаните на Теразија.
Групи демонстранти продолжуваат да пристигнуваат уште од вчера, но официјалниот почеток на протестот беше означен денес во 16 часот.
