Организацискиот секретар на СДСМ, Мартин Костовски, преку својот профил на Фејсбук ја искажа својата поддршка за студентските протести во Србија. Тој објави кратка порака – „Пумпај“, што е слоган кој стана симбол на протестното движење и се користи на секој собир на студентите во Белград.
Зборот „пумпај“ доби огромна популарност и стана вирален меѓу демонстрантите, одекнувајќи како мотивациски повик за отпор и истрајност.
По објавата на Костовски, реакција следуваше од вицепремиерот и министер за односи меѓу заедниците, Иван Стоилковиќ.
Тој направи принтскрин од статусот на Костовски и го сподели на својот приватен профил на Фејсбук, додавајќи провокативен коментар: „Напумпамо ве на избори. Да не сакате и некое друго пумпање? Затвори чекав…“
