Во средата, во 22:40 часот, полициски службеници во Кавадарци запреле патничко моторно возило BMW со локални регистарски ознаки, управувано од Р.С. од Кавадарци. Интервенцијата следела поради претходна објава на социјалната мрежа Instagram, во која биле забележани моменти од опасно возење.
На снимката, возачот е прикажан како нагло ја зголемува брзината, што доведува до пролизгување на погонските тркала и предизвикување силна бучава.
„Од страна на полициските службеници возилото е одземено по член 344 став 2 од Законот за безбедност на сообраќајот на патиштата. На 14.03.2025 во Станица за технички преглед во Кавадарци извршено е мерење на бучава и утврдена е бучава над дозволената. Согласно член 344 став 3 од ЗБСП, возилото бмв е привремено одземено на период од 90 дена“, соопшти МВР.
Видео: 4News.mk
