По повеќе од половина век, денеска започнуваат градежните активности за повторно отворање на граничниот премин „Маркова Нога“ на границата помеѓу Македонија и Грција. Овој проект претставува значаен чекор во подобрувањето на регионалната поврзаност и развојот на инфраструктурата во овој дел од земјата.
Во рамките на проектот е предвидена изградба на модерна административна зграда на Царинската управа со површина од приближно 360 квадратни метри, како и посебна канцеларија за осигурителна компанија.
Дополнително, ќе се изградат резервоар за вода, армирано-бетонски пропусти, систем за водоснабдување и канализација, потпорни ѕидови, како и три новопланирани улични делници. За зголемување на удобноста на патниците и персоналот, проектот вклучува и изградба на јавни тоалети.
