Фото: Принтскрин
Второобвинетиот Велибор Манев, на денешното сведочење во судот, откри нови шокантни детали за случајот со киднапирањата и убиствата на 14-годишната Вања Ѓорчевска и 73-годишниот Панче Жежовски.
Според неговите тврдења, организаторот на злосторството, Љупчо Палевски – Палчо, првично им ветил по 150.000 евра на соучесниците за киднапирање на одредена цел, но подоцна, кога сфатиле дека извршиле грешка, наградата била значително намалена.
Во судницата, адвокатот го праша Манев колку пари требало да добие секој од учесниците во злосторството.
„Првично, Палчо ни вети по 150.000 евра за грабнување на ќерката на фармацевтот,“ изјави Манев.
Меѓутоа, откако сфатиле дека наместо таргетираната личност го грабнале 14-годишното девојче, Палевски им соопштил дека нема да ја добијат целата сума.
„Кога видовме дека сме ја грабнале погрешната личност, тој рече дека парите нема да бидат толку, ќе бидат помалку,“ сведочеше Манев.
