Откако Демократската унија за интеграција (ДУИ) најави дека ќе поднесе интерпелација за уставните судии, премиерот Христијан Мицкоски изрази став дека вистинската цел на оваа иницијатива не е заштита на уставниот поредок, туку обид за прикривање на коруптивни активности.
Според него, ДУИ не ја покренува оваа постапка од искрена загриженост за прашањето за јазикот или судската независност, туку како тактички маневар за одвлекување на вниманието од наводните криминални активности кои, како што тврди, се случувале особено во последните две години.
„ДУИ најмалку се грижи за јазикот, уставните судии или за било кој друг правен аспект. Нивниот главен мотив е стравот од одговорност за незаконски стекнат имот и сериозните индиции за криминални дејствија во минатото. Со начин на кој насилно го изменија Кривичниот законик, практично се самоамнестираа за делата што ги направија, и за жал, во овој момент, не можеме да сториме ништо за тоа“, изјави Мицкоски.
