Вчера во 16:00 часот, во Одделението за внатрешни работи Прилеп, прилепчанка пријавила дека во периодот од 27 февруари 2025 година до моментот на пријавувањето, од нејзината банкарска сметка биле повлечени вкупно 616.000 денари во неколку наврати. Дополнително, пријавила дека од банкарската сметка на нејзиниот сопруг биле извршени трансакции во повеќе наврати, при што биле одземени 280.000 денари.
Според наводите во пријавата, тие претходно повеќепати биле контактирани од лица кои се претставувале како претставници на компанија што нуди услуги за тргување на берза со злато и валути. Непознатите лица побарале од оштетените да инсталираат апликација и да се регистрираат на неа, а воедно им биле побарани и нивните матични броеви, кои доверливо ги споделиле.
Надлежните служби преземаат мерки за целосно расчистување на случајот и идентификација на сторителите.
