Американскиот државен секретар, Марко Рубио, изјави дека Украина ќе мора да отстапи дел од својата територија на Русија како дел од евентуален мировен договор за ставање крај на војната, пренесува „Њујорк Тајмс“.
„Сметам дека двете страни треба да прифатат дека нема воено решение за овој конфликт“, изјави Рубио за новинарите додека патуваше кон Саудиска Арабија, каде што се одржуваат клучни разговори со украинските претставници.
Тој нагласи дека ниту Русија може целосно да ја освои Украина, ниту пак Украина може, во реалистичен временски период, да ја натера Русија да се врати на границите од 2014 година.
„Очигледно е дека Русите немаат капацитет да ја заземат цела Украина, но исто така е нереално да се очекува дека Украина, во догледно време, ќе успее да ги принуди руските сили да се повлечат на линијата од пред војната во 2014 година“, изјави Рубио.
