Премиерот и лидер на ВМРО-ДПМНЕ, Христијан Мицкоски, и претседателот на опозициската СДСМ, Венко Филипче, се најдоа на иста трпеза.
Тие присуствуваа на ифтарската вечера организирана од страна на претседателот на Собранието, Африм Гаши, каде што имаа можност за неформална средба во духот на празничната атмосфера.
„Денес присуствував на ифтарска вечера. Ваквите собири се потсетник дека вистинските вредности лежат во солидарноста, човечноста и почитта кон различностите што не зближуваат“, напиша Мицкоски.
„Рамазанските пости нè потсетуваат на вистинските вредности, на меѓусебната почит, разбирање, милосрдие и човечност. Вечерва, на покана на претседателот на Собранието на Република Северна Македонија, Африм Гаши, присуствував на Рамазанска ифтарска вечера. Нека празникот Рамазан донесе спокојство, здравје, среќа и бериќет во секое семејство! На сите припадници од исламската вероисповед им посакувам лесни пости и мир во срцата“, вели Венко Филипче.
