Во пресрет на изборот за нов ректор на Универзитетот „Мајка Тереза“ во Скопје, се појавија контроверзии поврзани со еден од кандидатите – професорот Блерим Саити.
Телевизијата ТВ Клан објави документ според кој Саити, кој претендира да застане на чело на универзитетот, имал скромен успех во средното образование.
Според објавеното свидетелство од втора година средно училиште, Саити имал претежно слаби оценки, при што неговиот просек бил значително подобрен само со една четворка по ликовно, додека сите други оценки биле двојки.
И покрај овие рани академски предизвици, Саити продолжил со високото образование, дипломирајќи и магистрирајќи на Институтот за физичка култура при Универзитетот во Тирана. Подоцна, тој докторирал на Факултетот за физичка култура при Универзитетот „Св. Кирил и Методиј“ во Скопје. Во моментов, Саити е редовен професор на Факултетот за социјални науки при Универзитетот „Мајка Тереза“.
