Семејството Поповиќ се соочува со голема загуба по заминувањето на познатиот основач и креативен ум на „Гранд продукција“, Саша.
Тажната вест за неговото заминување многумина ги потресе, а најмногу неговите најблиски – вдовицата Сузана, ќерката Александра, посинокот Даниел, како и снаата Тијана.
Ќерката на Поповиќ, Александра, речиси никогаш не се огласувала во јавноста, ги избегнува медиумите и јавниот живот, па дури и социјалните мрежи. Сепак, како што овие денови прима безброј пораки со поддршка, таа неколку пати се огласи преку Инстаграм.
– Ги читам сите ваши пораки секој ден и гледам дека многумина од вас изгубиле некоја сакана личност. Како што вашето срце сега е со мене, така и моето е со вас. На никого не му е лесно, било да сте загубиле некого денес, пред неколку месеци или години. Сега подобро од кога било разбирам што значи да изгубиш некого. Да изгубиш столб на семејството, татко, сопруг, пријател… – напиша таа, па продолжи:
– Се надевам дека сите се држите добро, иако е тешко, знаејќи дека никогаш повеќе нема да ја видите таа личност во овој живот, да го чуете нејзиниот глас или да ја прегрнете уште само еднаш, последен пат. Како што реков во претходната изјава – Немојте да ги жалите затоа што починале, туку славете ги затоа што живееле и биле дел од вашите животи. Нашите родители се нашите херои. Јас сум горда на мојот татко, на сè што создаде и остави зад себе и на тоа колку храбро се бореше до самиот крај – напиша таа на Инстаграм.
