Од 4 до 9 март во Корча, Албанија, се одржа 19. Математичка олимпијада за студентите од Југоисточна Европа – SEEMOUS 2025, каде што млади математичари од различни земји ги одмерија своите знаења и вештини во решавање на комплексни математички проблеми.
Македонија имаше еден претставник на ова престижно натпреварување – Јан Стојановски, студент на Природно-математичкиот факултет при Универзитетот „Св. Кирил и Методиј“ во Скопје.
Стојановски покажа извонредни способности и успеа да освои сребрен медал, со што ја претстави Македонија во најдобро светло. Неговиот успех претставува значаен придонес кон афирмацијата на македонските студенти во полето на математиката на меѓународно ниво.
