Градоначалникот на Тетово, Биљал Касами, денеска присуствуваше на одбележувањето на Денот на учителот во селото Гајре, но настанот се одржа без истакнато македонското знаме, додека албанските знамиња се вееја во македонското село, објави „Инфомакс“.
„Инфомакс“ пишува дека ова не е првпат во Тетово да се игнорира Законот за употреба на грбот, знамето и химната на Република Македонија, кој предвидува дека етничките заедници имаат право да го истакнат своето знаме на јавни настани и празници, но само во придружба на македонското знаме, и тоа во големина 3:1.
„Посветени сме на подобрување на условите за учење во сите училишта! Наставата во село Гајре од денеска ќе се одвива во една смена, уште еден позитивен чекор за развој на образованието и обезбедување подобри можности за учениците. Ова е чекор напред за да се обезбеди подобра иднина за идните генерации. Среќен 7-ми Март, Денот на учителот! Вие сте надеж и инспирација за сите нас“, објави Касами.
