Попладнево на експресниот пат Штип-Кочани, во близина на подвозникот кај селото Тркање, се случи тешка сообраќајна несреќа во која животот го загубија две лица, соопшти Министерството за внатрешни работи (МВР).
Според првичните информации, надлежните служби веднаш излегле на терен за да извршат увид и да ги утврдат причините за несреќата. Во тек е истрага која ќе ги разјасни околностите под кои дошло до трагичниот настан.
„Околу 14 часот во СВР Штип е пријавено дека на експрениот пат Штип-Кочани, кај селото Тркање се случила сообраќајна несреќа меѓу две патнички возила со кочански регистарски таблички. Од здобиените повреди, двајцата возачи починале на местото на несреќата“, соопшти МВР.
