Младиот македонски пејач, Александар Јосифовски кој во суперфиналето на „Ѕвездите на Гранд“ беше на чекор до победата, се огласи со емотивна порака во чест на Саша Поповиќ, долгогодишниот директор на „Гранд“, кој почина на 1 март по кратко и тешко боледување.
Александар Јосифовски сподели трогателни зборови, изразувајќи ја својата тага и благодарност.
„Со тежина во срцето ги пишувам овие зборови… Говорам за човек кој внесе светлина во животот на многумина, а денес веќе не е со нас. Беше симбол на радост, инспирација и ведрина. Секогаш знаеше како да ја разубави атмосферата и да внесе оптимизам дури и во најтешките моменти. Вашето присуство, вашите зборови и енергија носеа топлина и надеж. Не бевте само водител и организатор, туку човек кој умееше да ги насочи луѓето на вистинскиот пат, оставајќи неизбришлива трага зад себе,“ напиша Јосифовски.
