Американскиот конгресмен Ал Грин, член на Демократската партија, беше насилно отстранет од Конгресот од страна на обезбедувањето откако го прекина говорот на претседателот Доналд Трамп.
Грин гласно негодуваше и го критикуваше Трамп во врска со укинувањето на програмата Медикејд, еден од главните столбови на здравствената заштита во САД. Додека претседателот зборуваше, демократскиот конгресмен неколку пати го прекинуваше со повици и обвинувања, што доведе до интервенција на обезбедувањето.
Трамп, барем во почетните моменти, се обиде да остане смирен и да не дозволи прекинот да влијае врз неговиот говор. Сепак, ситуацијата ескалираше, а Грин, кој во рацете држеше бастун, продолжи да го изразува својот револт сè додека не беше изнесен од салата.
BREAKING: Rep Al Green (D-TX) has been REMOVED from US President Trump's address after repeatedly interrupting him and refusing to take his seat pic.twitter.com/ZUr9c1Yy4G
— Hexdline (@HexdlineNews) March 5, 2025
