Македонските гимнастичарки, сестрите Илина (18) и Ева Соколовски (15), продолжуваат да нижат успеси на меѓународната сцена. Тие постигнаа извонредни резултати на натпреварите по ритмичка гимнастика во Германија, освојувајќи златен и сребрен медал.
Илина триумфираше со злато, додека Ева се закити со сребро на престижниот турнир што се одржа во Гутерслох. Со овој успех, двете обезбедија учество на републичкиот натпревар во Боркен, каде што повторно ги демонстрираа своите способности – овој пат, Илина освои сребрен медал, а Ева го освои златото.
Со овие резултати, талентираните гимнастичарки се пласираа во големото финале, кое ќе се одржи во мај во Лајпциг. Овој успех е потврда за нивната посветеност, напорна работа и извонреден талент во ритмичката гимнастика.
