Поранешниот министер за надворешни работи, Бујар Османи, повторно ја актуелизираше темата за можноста од Албанец на премиерската функција, истакнувајќи дека тоа треба да се гледа како позитивен чекор за државата.
Во своето гостување во „ТВ21“, тој истакна дека Албанците сè повеќе ја чувствуваат Македонија како своја земја и сакаат активно да учествуваат во носењето одлуки на највисоко ниво.
„Албанците сакаат да бидат дел од клучните процеси, сакаат премиер, министер за надворешни работи, министер за финансии – сакаат да бидат дел од институциите што ја обликуваат иднината на државата. Слоганот ‘Македонија повторно ваша’ или ‘Македонија повторно горда’ испраќа порака дека наводно Албанците ѝ ја одзеле државата, а некој треба да ја врати. Но, вистината е дека ние не сме ја земале од никого. Македонски интерес е Албанците да имаат амбиција за премиер“, изјави Османи во „ТВ21“.
