На социјалните мрежи се појави видео на кое може да се забележи како на автомобил со штипски регистерски таблички влече мачка закачена на него.
Вознемирувачкото видео беше објавено на граѓанската асоцијација „Ние за благосостојба на животните“.
„Ова не е прв, ниту изолиран случај, каде што лица на ваков начин непотребно изложуваат животни на страдање. Непрепознавањето на овие дејствија како обележја на кривичното дело ‘Убивање и мачење животни’ и притоа нивно нормализирање од страна на полициските службеници, а следствено и јавните обвинители, е основната причина зошто овие лица најчесто поминуваат неказнето“, велат од граѓанската асоцијација.
