Сообраќајот на автопатот Тетово – Гостивар е пренасочен по спореден пат во близина на клучката за селото Врапчиште, поради сообраќајна несреќа што се случила околу 15:30 часот, објави „Радио Гостивар“ на својата официјална Фејсбук страница.
Според првичните информации од полицијата, до несреќата дошло при судир на две патнички возила. На местото на настанот веднаш биле испратени екипи на итната медицинска помош за укажување на неопходната здравствена грижа за повредените лица.
Во тек е полициски увид, со цел да се утврдат околностите што довеле до судирот. Од Секторот за внатрешни работи – Тетово најавија дека повеќе информации ќе бидат соопштени откако ќе заврши истрагата.
