Денеска, на влезот на „Гранд продукција“, беше поставен некролог за основачот на компанијата, Саша Поповиќ, кој почина на 1 март 2025 година, на 70-годишна возраст.
Семејството, пријателите и колегите со длабока тага се простуваат од него, оддавајќи му почит за неговиот значаен придонес во музичката индустрија.
Според објавената посмртница, погребот ќе се одржи во четврток, со почеток во 14:30 часот, на гробиштата Нова Бежанија во Белград. Комеморацијата и изразувањето сочувство ќе започнат во 12:00 часот, во црквата Свети апостол Тома на истите гробишта.
Ожалостени сопругата Сузана, децата Александра и Даниел, како и бројни роднини, пријатели и соработници, со болка се простуваат од Поповиќ, кој остави неизбришлива трага во музичкиот свет.
