Фото: Принтскрин
Двегодишното девојче Дуња Марковиќ е пронајдено живо, потврди српското Министерство за внатрешни работи, откако тоа исчезна во текот на вчерашниот ден.
Според вицепремиерот и министер за внатрешни работи, Ивица Дачиќ, детето било пронајдено во свесна и стабилна состојба, комуникативно и без сериозни повреди. Веднаш било пренесено во болница на лекарски преглед за дополнителна проверка на неговата здравствена состојба.
„Девојчето беше пронајдено на оддалеченост од околу два до три километри од својот дом. Во моментов полициски тимови вршат увид на локацијата каде што е пронајдено, со цел да се утврдат сите околности поврзани со неговото исчезнување. Најважно е дека детето е живо и наскоро ќе се врати во прегратките на своето семејство“, изјави Дачиќ.
