Двегодишната Дуња Марковиќ од Уб, Србија, чие исчезнување беше пријавено попладнево, во моментот на исчезнувањето била со своите браќа и сестра и, според првичните сознанија на полицијата, излегла од куќата без никој да забележи.
Во моментот на исчезнувањето, родителите не биле присутни, а случајот бил пријавен дури по три и пол часа. Девојчето доаѓа од семејство со осум деца.
Според информациите на „Блиц“, голем број полицајци и граѓани се на улиците на Уб во потрага по Дуња.
Малата Дуња има кафена коса, кафеави очи и е висока околу еден метар. Во моментот на исчезнувањето носела сива тренерка и сива дуксерка.
