Македонскиот теквондист Дејан Георгиевски продолжува со одличните настапи на меѓународната сцена, освојувајќи уште еден медал оваа сезона.
На реномираниот турнир „Бугарија Опен Г1“, кој се одржува овој викенд, Георгиевски се закити со бронзеното одличје, со што го потврди континуитетот на успесите за македонското теквондо на меѓународно ниво.
Овој успех доаѓа по одличните настапи на останатите македонски претставници – Андреј Василевски, кој исто така освои бронзен медал, и Ведрана Туневски, која блесна во женска конкуренција, освојувајќи златен медал со перфектен скор од четири победи во четири меча.
