Саша Поповиќ, основачот на „Гранд продукција“ и една од највлијателните фигури во музичката индустрија на Балканот, почина вчера на 70-годишна возраст по тешка, но краткотрајна болест.
Неговото заминување остави голема празнина во естрадата, а бројни музички ѕвезди, пријатели и колеги изразија тага за човекот кој со својата визија го промени музичкиот пејзаж на регионот.
Поповиќ го изгради своето име од скромни почетоци, прво како член на легендарниот состав „Слатки грех“, а потоа како идеен творец на „Гранд продукција“ – музичката империја која стана расадник за нови таленти и го дефинираше звукот на модерната балканска сцена.
Поповиќ беше познат не само како продуцент и шоумен, туку и како човек со длабока верба во судбината. Една од најфасцинантните приказни кои тој ги споделуваше беше неговата средба со прочуената бугарска пророчица Баба Ванѓа.
Според неговите сведоштва, таа му предвидела дека ќе стане „режисер“ на балканската музичка сцена и дека ќе остави значајно наследство во светот на музиката. Ова предвидување често го споменуваше со восхит, гледајќи на својот животен пат како на исполнување на судбинска мисија.
„Ќе умреш на 86 години, нема да те убијат, ниту ќе те повредат од какво било оружје. Ќе заспиеш и нема да се разбудиш, јасно се сеќавам на нејзините зборови. После таа посета бев збунет, но сега гледам дека се се случи како што рече таа“, откри Поповиќ во едно интервју.
