Саша Поповиќ почина денес на 70-годишна возраст по тешка борба со опасна болест. Тој се бореше со тешката болест помалку од една година. Убеден дека ќе ја победи, се бореше до последниот момент.
Неговото лекување беше доверено и на доктори во Париз, каде што редовно одеше на терапии. Последните фотографии што се појавија во јавноста, откако беше сниман од екипата на „Папарацо лов“, разбудија надеж дека Поповиќ ќе ја добие битката, но неговата здравствена состојба во последните месеци се влоши. Како што веќе беше пишувано во медиумите, Саша случајно дознал за тешката болест поради фрактура на ногата.
Бидејќи раната не зараснала во очекуваниот период, лекарите направиле детални прегледи на целото тело на Поповиќ и, за жал, откриле дека неговата здравствена состојба е сериозна. Иако лекувањето започнало веднаш, болеста брзо напредувала. Неговите колеги до последен момент се надеваа дека ќе се врати меѓу членовите на жирито на „Ѕвездите на Гранд“ и секојдневно му испраќаа пораки со поддршка.
