На 28 февруари 2025 година, во 10:10 часот, во Секторот за внатрешни работи Скопје било пријавено дека на крстосницата меѓу булеварот „Крсте Мисирков“ и улицата „Петре Ѓорѓиев“ во Скопје се случила сообраќајна несреќа во која учествувал автобус на ЈСП, управуван од 50-годишниот Б.А., жител на Скопје.
Во несреќата, автобусот удрил во 70-годишниот пешак Н.С., кој претрпел тешки телесни повреди. Тој бил веднаш пренесен во Градската општа болница „Св. Наум Охридски“, каде што лекарите ги констатирале повредите и му била укажана медицинска помош.
На местото на несреќата извршен бил увид од страна на екипа од СВР Скопје, со цел утврдување на околностите под кои дошло до несреќата.
